MATERI BAHASA JAWA KELAS X PRANATACARA

PRANATACARA

Pranatacara ingkang asring disebat Master Of Ceremony ( MC ), pambiwara, pranata adicara, pranata titilaksana, pambyawara, utawi pranata laksitaning adicara, inttih punika paraga ingkang tinanggenah nata cara utawi acara, ingkang bakunipun, ayahanipun inggih punika nglantaraken cak-cakanipun acara utawi adicara wonten ing pepanggihan, pasamuan upacara ingkang sampun rinantam.

Urutan teks pranatacara:

1. Salam pambuka;
2. Atur Pamuji;
3. Atur kasugengan, kairing atur panuwun;
4. Wedhring hati;
5. Atur nyuwun pangapura;
6. Panutup;
7. Salam panutup.

Maca teks pranata cara:

Supaya anggone maca teks pranatacara gampang dimangerteni, kudu nggatekake babagan ngisor Iki: 

• Pangucapan kang trep
• Pamedhote ukara kang trep
• Intonasi, nada, lan tekanan kang trep 
• Mangerteni tandha wacan kanthi trep
• Swara kang cetha
• Ngatur alon lan cepete pamaca
• Ngolah treping mlebu wetuning napas
• Mahami wacan
• Pracaya marang dhiri pribadi

Kawruh kagungan basa:

1. Tembung yogyaswara:

Yaiku rong tembung kang tulisan apadene pakecapane meh padha, dinggo bebarengan, lan nduweni teges lanang-wadon.

Tuladha: bathara-bathari, kedhana-kedhini

2. Tembung entar:

Entar tegese silihan, yaiku tembung kang nduweni teges ora salugune.

Tuladha: gedhe endhase: gumedhe

                 kethul pikire: bodho

3. Rura basa:

Rura basa iku basa kang salah, nanging wis kabacut lumrah. 

Tuladha: godhog wedang, nguleg sambel

4. Panyandra:

Panyandra asale saka tembung candra, kang nduwe teges wetunan kaanan wewujudan sarana pepindhan.

Tuladha: rambute ngombak banyu, drijine mucuk eri

5. Pepindhan:

Tetembung kang ngemu isi irib-iriban utawa emper-emperan.

Tuladha: lakune kaya macan luweh, rukune kaya mimi lan mintuna

Sumber:

http://myblogblogmu.blogspot.com/2015/06/materi-bahasa-jawa-semester-2.html?m=1

Buku gegaran nyinau basa jawa 1 kelas X SMA/SMK/MA